Në mesnatë ndalet nga puna njësia A3 e Termocentralit Kosova A

Korporata Energjetike e Kosovës, ka njoftuar se njësia A3 e Termocetranlit Kosova A do të ndalet nga puna sonte.

Në njoftimin e KEK-ut, thuhet se ndalja do të bëhet në ora 23:59.

Kjo për shkak të problemeve të ndjeshme me humbjen e ujit.

Për këtë KEK, thotë se ka njoftuar me kohë Kompaninë e Distribuimit të Energjisë Elektrike.

“Ekipet tona të ekspertëve janë në gatishmëri për të identifikuar dhe sanuar çdo defekt që mund të jetë shkaktar i këtij problemi, sapo të krijohen kushtet (pas ftohjes së njësisë), për të rikthyer njësinë në funksion në kohë optimale”, thuhet në njoftim transmeton Klankosova.tv