Rrahje në Podujevë

Numri i rasteve të dhunës në vendin tonë është në rritje çdo ditë e më shumë. Çdo ditë gra që përjetojnë dhunë nga familjarët e tyre, kryesisht bashkëshortët, kërkojnë ndihmën e Policisë për të marrë mbrojtje dhe për të zgjidhur problemet.

Një tjetër rast i rëndë i dhunës në familje ka ndodh mbrëmë në Podujevë, një burrë e ka sulmuar fizikisht bashkëshorten e tij.

Gazeta Sinjali merr vesh se viktima rastin e ka lajmëruar tek Policia në Pejës, pasi në këtë qytet e ka familjen saj.

Me të marrë vesh rastin, Policia ka dalë në vendin e ngjarjes dhe e ka kontrolluar shtëpinë e të dyshuarit.

Aty ka gjetur dhe sekuestruar një pistoletë, një karikator me tetë fishekë dhe 42 fishekë të tjerë të të njëjtës armë.

I dyshuari është intervistuar nga Policia, ndërsa me vendim të Prokurorit ai do të hetohet për “Dhunë në familje” dhe “Mbajtje në pronësi kontroll ose posedim i paautorizuar i armës”.