19 vjeçari Robert Gashi, ka nevojë për ndihmën e shqiptarëve

Robert Gashi, 19 vjeçar nga Prishtina, i cili aktualisht është duke u trajtuar në Itali, ka nevojë për ndihmën e shqiptarëve pasi gjendja e tij tash e një kohë të gjatë është shumë e rëndë.

Nëna e tij, Afërdita, ka bërë një apel për ndihmë financiare, pasi shpenzimet janë të mëdha dhe si e vetme nuk po mundet t’i përballojë ato.

19 vjeçari i cili pasi u diagnostikua me Linfomë Burkitt, një sëmundje e rëndë që i kërcënoi jetën në shkurt të vitit 2023, dhe më pas u shërua, u godit përsëri nga melit transvers, një infeksion në palcën kurrizore që i ka preku lëvizshmërinë dhe forcën.

“Në janar 2024, një infeksion i rëndë në mushkëri e detyroi të përballet me sfida të tjera. Në këtë moment, shpresat për një shërim të mëtejshëm janë të lidhura me mundësinë për trajtim të specializuar në Itali. Megjithatë, kostot janë shumë të larta dhe për një nënë të vetme si unë, është shumë e vështirë të mbuloj shpenzimet e trajtimeve dhe udhëtimit. Ju lutem, na ndihmoni që Roberti të vazhdojë të luftojë. Çdo kontribut, sado i vogël, mund të bëjë një ndryshim të madh dhe mund t’i japë mundësinë për të vazhduar betejën për jetën e tij”, ka thënë nëna e Robertit, Afërdita.

“Ndihma juaj është më shumë se një kontribut financiar – është një mesazh i fuqishëm i dashurisë dhe solidaritetit, që i jep Robertit shpresë dhe motivim për të vazhduar luftën e tij. Secili kontribut, qoftë edhe më i vogli, është një hap më afër shërimit dhe mundësisë për një jetë më të mirë për Robertin. Çdo ndihmë është një shenjë e jashtëzakonshme e mbështetjes dhe dashurisë që mund të ofrojmë për njëri-tjetrin në momentet më të vështira”.

Për ata që dëshirojnë të kontribuojnë, mund të kontaktojnë në numrin +33781238582 për më shumë informacion, ose mund të dërgoni donacionin tuaj përmes të dhënave të bankës më poshtë:

Emri i Bankës: TEB BANK

Emri i Llogarimbajtësit: Aferdita Gashi

IBAN: ХК052011000038860083

SWIFT: TEBKXKPR