Detaje të reja

Rastet e ngacmimeve seksuale janë shpeshtuar kohëve të fundit në vendin tonë, ku në shumicën e rasteve viktima janë gratë, raporton Gazeta Sinjali.

Një rast shqetësues është raportuar edhe dje në rrugën “Vlade Cetkovica” në Mitrovicën e Veriut, ku një grua është ngacmuar seksualisht nga një person i panjohur, në mes të ditës.

Burimet e Gazetës Sinjali brenda Policisë bëjnë të ditur se ngjarja ka ndodh kur viktima ishte duke ecur në rrugë dhe ishte ndalur nga një burrë që e përshëndeti në gjuhën serbe me fjalët “Dobar dan”, duke u prezantuar si “Driton”.

Sipas ankesës së saj, të cilën e ka marrë vesh Gazeta Sinjali, ai fillimisht tentoi ta prekte në flokë, por më pas situata eskaloi kur i dyshuari e kapi në prapanicë dhe në këmbë, në pjesën mbi kofshë.

Rasti është raportuar menjëherë në Polici, ndërsa hetuesi kujdestar ka kontaktuar me prokurorin, i cili ka urdhëruar inicimin e rastit si “Ngacmim seksual”.

Pavarësisht përpjekjeve të Policisë për ta gjetur të dyshuarin, deri tani ai nuk është identifikuar.

Rasti është nën hetime.