Gjendet i vdekur një burrë në Prishtinë

Në vendin tonë, jo rrallë herë raportohet për raste të vdekjeve, ku persona të moshave të ndryshme gjenden pa shenja jete në shtëpitë e tyre, apo apartamentet ku jetojnë. E këto raste bëhen akoma më të rënda, kur viktimat vdekja i gjenë pa asnjë person pranë vetes, pasi kanë jetuar të vetëm, raporton Gazeta Sinjali.

Një rast i tilë ka ndodhur mbrëmjen e të enjtes në Prishtinë, ku një burrë është gjetur pa shenja jete në banesën e tij.

Burimet e Sinjalit kanë bërë me dije se viktima jetonte i vetëm prej vitesh dhe dyshohet se ka ndërruar jetë pa qenë i pranishëm askush pranë tij.

Ekipet e emergjencës kanë dalë në vendin e ngjarjes, ku edhe është konstatuar vdekja e 61-vjeçarit.

Ndërkaq, menjëherë pas pranimit të informatës, në lokacionin ku ka ndodhur rasti kanë dalë edhe njësitet policore.

Sipas dëshmitarëve në vendin e ngjarjes, Muratoviqi kishte jetuar i vetëm për një kohë të gjatë dhe kishte pasur probleme shëndetësore herë pas here.

Dyshohet se vdekja e tij ka ndodhur pa u vërejtur nga askush për një kohë të caktuar.

Hetimet në lidhje me këtë rast janë duke vazhduar, ndërsa trupi i viktimës është dërguar në IML për obduksion.