Braktisi shkollën për dashuri, përfundon e shfrytëzuar dhe e kërcënuar në një qendër masazhi
Është vetëm 17-vjeçe, kurse “i dashuri” i saj 23.
Nga Drenasi në Prishtinë, ata kanë zgjedhur të bashkëjetojnë e të bashkëpunojnë.
Jo në një zyrë apo kafene, por në një qendër masazhi.
17-vjeçja nuk po punon vetëm, pasi përkrah ka edhe shoqen e saj 19-vjeçare.
Të dyja, sipas burimeve, janë futur në këtë ambient pune nga i njëjti person, ai që fillimisht erdhi si “i dashuri”, por më vonë mori rolin e atij që udhëzon e i kontrollon dhe sipas disa dëshmive, edhe po i shfrytëzon.
Shoqja e 17 vjeçares ka rrëfyer për Kiks Kosovën në mënyrë anonime, detaje tronditëse.
Ajo thotë se personi në fjalë po prezantohet edhe te familjarët e vajzave si i dashuri i tyre, derisa sipas saj aty po shfrytëzohen edhe për punë të tjera.
Sipas saj, të njëjtat tashmë kanë mbi 4 muaj që punojnë aty, mirëpo me dokumente identifikimi të rreme, pasi njëra është nën moshë.
Vajzat tashmë kanë shkëputur edhe raportin me familjen, krejt kjo për shkak të punës që bëjnë.
Derisa sipas 19-vjeçares, personi në fjalë po i kërcënon duke u thënë se guxojnë të largohen, sepse do t’i njoftojë familjarët, mirëpo dëshira e vajzave është që ta lajmërojnë në polici.
Ndiqeni kronikën e plotë në vijim:
