Dy gra në Podujevë bëhen për spital nga burrat

Policia e Kosovës ka njoftuar edhe për dy raste të dhunës në familje, ku kësaj radhe bëhet fjalë për qytetin e Podujevës.

Më poshtë njoftimet e Policisë së Kosovës:

Podujevë 22.09.2022-14:45.   Viktima femër kosovare ka raportuar se i dyshuari mashkull kosovar ka ushtruar dhunë fizike dhe psikike ndaj saj edhe pse kishte urdhër mbrojtës nga gjykata. Viktima ka pranuar tretman mjekësor ndërsa i dyshuari është intervistuar dhe me vendim të prokurorit, është arrestuar dhe dërguar në mbajtje. 

Podujevë 22.09.2022 – 08:30. Është arrestuar i dyshuari mashkull kosovar nën dyshimin se pas një mosmarrëveshje ka sulmuar viktimën femër kosovare. Lidhur me rastin viktima ka refuzuar tretmanin mjekësor ndërsa i dyshuari pas  intervistimit me vendim të prokurorit,  lirohet dhe rasti procedohet në procedurë të rregullt.