Peci – opozitës: Mos e vononi votimin, kryetari i Kuvendit i takon VV-së

Deputeti i zgjedhur nga radhët e Lëvizjes Vetëvendosje, Faton Peci, ka dalë me një deklaratë të fortë përballë opozitës, duke kërkuar që të mos e bllokojnë procesin e zgjedhjes së kryetarit të Kuvendit.

Ai tha se ky post i takon ekskluzivisht partisë së parë – VV-së – dhe se opozita duhet të votojë emrin e propozuar pa vonesa të mëtejshme.

“Jemi në një momentum të ri ku kemi bërë përpjekjen e parë për zgjedhjen e kryetarit të Kuvendit. Ekskluzivisht i takon Vetëvendosjes,” u shpreh Peci, duke shtuar se opozita duhet ta tejkalojë ‘smirën dhe xhelozinë për humbjen e zgjedhjeve’.

Peci kërkoi që Kuvendi të mos mbetet peng i kalkulimeve politike dhe u bëri thirrje të gjitha subjekteve opozitare që të votojnë pro kandidatit të VV-së, për të çuar përpara procesin e formimit të institucioneve.