LAJMI I FUNDIT:

Një aksident i rëndë komunikacioni ka ndodhur në orët e para të mëngjesit të sotëm, duke lënë pasoja fatale. Ngjarja është regjistruar në orët e hershme të mëngjesit në rrugën nacionale Prishtinë–Ferizaj, afër rrethit te KFC-ja në Llapnasell, raporton Gazeta Sinjali.

Burime të sigurta të Sinjalit bëjnë me dije se në këtë vetëaksident ka humbur jetën Leonard Avdyli, rreth 30-vjeçar, i cili dyshohet se ishte në timon në momentin kur vetura doli nga rruga.

Në veturë ndodhej edhe një pasagjere, Tringa Mustafa e cila ka shpëtuar me lëndime dhe është dërguar për trajtim mjekësor.

Automjeti i përfshirë në aksident është një Škoda, i cili për arsye ende të panjohura ka devijuar nga rruga dhe është aksidentuar rëndë.

Njësia policore ka dalë menjëherë në vendin e ngjarjes, ndërsa hetuesi kujdestar është duke zhvilluar ekzaminimet për të përcaktuar shkakun e aksidentit.

“Sot rreth orës 04:30,ka ndodhur një aksident trafiku në rrugën Prishtinë- Ferizaj, ku ka qenë i përfshirë një automjet. Si pasojë e aksidentit lëndime të rënda trupore kanë pësuar dy persona, njëri nga të cilët nuk ka arritë të përballojë plagët dhe i njëjti ka vdekur. Vdekjen e viktimës (mashkull) e ka konstatuar ekipi mjekësor në vendin e ngjarjes”, tha ajo.

Hetimet janë në fazë fillestare dhe autoritetet pritet të publikojnë detaje shtesë në orët në vijim.