Mësohet arsyeja e rastit në Prishtinë

Një konflikt për një qen ka përfunduar me të shtëna armësh në kryeqytet. Burime të Gazetës Sinjali konfirmojnë se një person ka mbetur i plagosur në këmbë, pasi është qëlluar me armë zjarri nga një person tjetër, pas një përplasjeje që kishte nisur pikërisht për shkak të një kafshe.

Ngjarja ka ndodhur sonte në një lagje të banuar të Prishtinës, Emshir dhe ka shkaktuar panik në zonë. I plagosuri është dërguar në QKUK, ku po merr trajtim mjekësor dhe ndodhet jashtë rrezikut për jetë.

Ndërkohë, i dyshuari është në arrati, ndërsa sipas burimeve tona, ai është emër i njohur për organet e rendit dhe aktualisht është duke u kërkuar nga njësitë relevante.