Burri rrah gruan

Numri i rasteve të dhunës në familje ka marrë përmasa shqetësuese në vendin tonë, pasi çdo ditë persona të ndryshëm përfundojnë në pranga si të dyshuar për dhunë ndaj familjarëve, raporton Gazeta Sinjali.

Një rast i tillë i dhunës në familjë ka ndodhur gjatë ditës së djeshme në fshatin Treboviq, komuna e Pejës, ku një burrë ka sulmuar fisikisht bashkëshortën e tij, të cilës i ka shkaktuar lëndime në kokë dhe trup

Siç mëson Sinjali, më 30 prill 2025, është pranuar një informacion nga njësitë përgjegjëse se në rrugën “Ali Dzogovic” ka ndodhur një rast dhune.

Me të marr vesh rastin, Policia ka dalë menjëherë në vendin e ngjarjes, ku ka hasur viktimën, rreth 62-vjeçare, e cila ka deklaruar se ishte rrahur nga bashkëshorti i saj, Isuf Krasniqi, rreth 63-vjeçar.

Mirëpo, 63-vjeçarja është dërguar në Spitalin Rajonal të Pejës, ku i është bërë ekzaminimi mjekësor në repartin e emergjencës. Me kërkesën e saj, pas intervistimit, ajo është dërguar në shtëpinë e vëllait të saj për strehim të përkohshëm.

Pas intervenimit të Policisë, i dyshuari është ftuar përmes telefonit nga hetuesit dhe është paraqitur në Stacionin Policor në Pejë, ku ndaj tij në koordinim me Prokurorinë është iniciuar rasti “Dhunë në Familje”.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.