30 vajza bëhen trajnere futbolli, pajisen me licenca C nga FFK-ja

Federata e Futbollit e Kosovës për herë të parë ka organizuar një kurs të veçantë për trajneret e kategorisë së femrave, në përputhje me standardet e Konventës së Trajnerëve për Licencën C, e financuar nga FIFA.

Bëhet e ditur se pas një periudhe disa mujore me ligjërata dhe trajnime, sot është finalizuar puna me shpërndarjen e licencave për 30 vajza të reja, të cilat në të ardhmen synojnë ta ushtrojnë profesionin e trajnereve të futbollit, transmeton Klankosova.tv

Licencat u ndanë nga kreu I FFK-së, Agim Ademi, u.d. sekretari i përgjithshëm i kësaj federate, Markus Weidner, si dhe shefja e Departamentit të Edukimit, Sanije Krasniqi.