14 shoferëve u pezullohet patentë-shoferi për shkelje të rënda në trafik

Policia Rajonale e Ferizajt, gjatë javës që lamë pas, ka shqiptuar 1 mijë e 314 gjoba kundërvajtëse, si dhe ka pezulluar 14 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe janë regjistruar gjithsej 27 aksidente, nga të cilat 12 aksidente kanë qenë me lëndime, ku kanë mbetur të lënduar 19 persona, dhe 15 të tjerë me dëme materiale.

“Policia Rajonale e Ferizajt do të vazhdojë me aktivitete të shtuara për të parandaluar aksidentet dhe apelon tek të gjithë drejtuesit e automjeteve që të jenë të kujdesshëm dhe të respektojnë rregullat e trafikut”, thuhet tutje në njoftimin e policisë.