Shqiptari në krye të Milanit – Igli Tare emërohet drejtor sportiv

Ish-futbollisti dhe drejtuesi i njohur shqiptar, Igli Tare, është emëruar zyrtarisht drejtor sportiv i klubit italian AC Milan, duke u bërë kështu pjesë qendrore e një prej projekteve më ambicioze në futbollin evropian, shkruan Gazeta Sinjali.

Pas një përvoje të gjatë dhe të suksesshme në rolin e drejtorit sportiv te Lazio, Tare rikthehet në skenën e madhe të futbollit italian, këtë herë në një nga klubet më të titulluara në histori.

Emërimi i tij u konfirmua nga vetë drejtuesit e Milanit, të cilët e konsiderojnë Taren si një profesionist me përvojë të jashtëzakonshme dhe vizion të qartë për të ndërtuar një skuadër konkurruese në elitën e futbollit europian.