I vidhet moltikultivatori nga ara, viktima e kupton një ditë më vonë

Një rast i vjedhjes së bujqësisë është raportuar në fshatin Zemanicë të Komunës së Leposaviqit, ku një burrë ka mbetur pa mjetin e tij të punës – një moltikultivator me vlerë të konsiderueshme.

Sipas informacioneve të siguruara nga Sinjali, më 1 qershor 2025, rreth orës 09:00, në Stacionin Policor Leposaviq është paraqitur Miroslav Todoroviq, i cili ka deklaruar se është viktimë e një vjedhjeje.

Todoroviq ka njoftuar se i është vjedhur moltikultivatori i markës “Muta-Gorenje”, ngjyrë e zezë, me vlerë rreth 1.000 euro, të cilin e kishte lënë në arën e tij në fshatin Zemanicë. Ai kishte shkuar për ta kontrolluar më 31 maj, rreth orës 17:00, kur kishte vërejtur se mjeti mungonte.

Menjëherë pas raportimit, njësia e hetimeve dhe krimtekniku kanë dalë në vendin e ngjarjes dhe janë duke e trajtuar rastin me procedurat hetimore të zakonshme.

Me urdhër të Prokurorit kompetent, është iniciuar rasti për veprën penale “Vjedhje”, ndërsa hetimet janë në vijim për të identifikuar dhe kapur autorin/ët e kësaj vepre.