Kurti: Kosova ka qeveri, por nuk ka Kuvend

Kryeministri në detyrë i Kosovës, Albin Kurti, ka komentuar situatën e krijuar pas zgjedhjeve, ku moskonstituimi i Kuvendit ka shkaktuar ngërç institucional.

Nga Babaj i Bokës, ku po qëndronte me rastin e stërvitjes “Defender Europe 25”, Kurti theksoi se funksionalizimi i Kuvendit është i domosdoshëm, por shtoi se vendi megjithatë po funksionon me stabilitet.

“Kuvendi duhet të konstituohet. Kosova nuk ka kuvend, por Kosova ka qeveri, Kosova ka stabilitet dhe sidomos ju po e shihni sot si Kosova ka ushtri”, tha Kurti.

I pyetur për mundësinë që Lëvizja Vetëvendosje ta propozojë Fatmir Limajn për kryetar të Kuvendit, Kurti u shpreh shkurtimisht: “Ne e kemi dhënë propozimin tonë”, tha ai.