BIK del me njoftim rreth Kurban Bajramit

Kryesia e Bashkësisë Islame të Kosovës ka njoftuar se dita e parë e festës së Kurban-Bajramit është të premten, më 6 qershor 2025.

Manifestimi qendror për territorin e Kosovës do të mbahet në “Xhaminë e Madhe” në Prishtinë.

Sipas BIK-ut, namazi i sabahut falet në orën 04:20, ndërsa namazi i Kurban-Bajramit falet në orën 05:35.

Ligjëratën tematike për këtë festë do ta mbajë dr. Besnik Llumnica, imam në Xhaminë e Bardhoshit në Komunën e Prishtinës.

Namazit do t’i prijë Hetem ef. Sopjani, kryetar i Këshillit të Bashkësisë Islame të Prishtinës, ndërsa hytben – mesazhin e Kurban-Bajramit – do ta mbajë Myftiu i Kosovës, Naim ef. Tërnava.

Me rastin e festës, Kryesia e BIK-ut do të organizojë pritje urimi në selinë e saj në Prishtinë nga ora 09:00 deri në 12:00, më 6 qershor.