“Pse babi e la hajnin me ia bo nënës bam”, ishte pyetja që fëmijët e Liridona Ademajt e bënë pasi iu vra nëna

Avokati i familjes së Liridona Ademajt, Leutrim Syla në seancën gjyqësore ndaj Naim Murselit dhe të tjerëve shpreson se do t’i jepen përgjigje disa pyetjeve të familjarëve më të ngushtë të të ndjerës, përfshirë edhe fëmijëve.

Në fjalën e tij, ai tregoi se fëmijët patën një pyetje natën kur nëna e tyre u vra.

“Pse babi e la hajnin me ia bë nënës bam”, tregoi avokati, njofton Klankosova.tv.

“Ky shqyrtim gjyqësor do t’i jap përgjigje të gjitha dilemave të ngritura dhe bashkëndjera nga populli i Kosovës në mbështetje morale të familjes Ademaj e poashtu me dëshirën për të kuptuar të vërtetën e plotë se pse Liridona Ademaj u privua nga jeta në mënyrë aq dinake. Besoj se para kësaj gjykate do të jepet përgjigje pyetjes së babait të Liridonës “Pse Naim ti munde të dalësh me fëmijë nga vetura, e Dona mbeti brenda?”. Pyetjes së fëmijëve të Liridonës “Pse babi e la hajnin me ia bë nënës bam”. Pyetjes së Nënës së Liridonës “Pse nuk do ta shoh më Liridonën?”. Pyetjes së Leondardit “Pse Naimi po mundet aq qetë të ju bërtas fëmijëve atë natë, e një ditë më vonë me u ushqy në Swiss Diamond sikur nuk ka ndodhur asgjë”, tha avokati Syla, njofton Klankosova.tv.