Haxhilerët e Kosovës mbërrijnë në Arafat

Haxhilerët nga komuna e Vushtrrisë kanë mbërritur në malin e shenjtë Arafat, ku do të qëndrojnë gjatë gjithë ditës së nesërme për lutje dhe adhurim ndaj Allahut të Lartësuar.

Këshilli i Bashkësisë Islame në Vushtrri ka bërë të ditur se kjo është një nga ditët më të rëndësishme të vitit për besimtarët myslimanë.

Dita e Arafatit përbën kulmin e pelegrinazhit të Haxhit dhe është një moment i veçantë për përkushtim shpirtëror dhe falje.

Gjatë kësaj dite, haxhilerët luten me përkushtim të thellë, duke kërkuar mëshirën dhe mëkatfaljen e Zotit.

Ndërkohë, për besimtarët që nuk janë në Haxh, kjo ditë njihet si më e vlefshmja për agjërim dhe lutje, me shpërblime të mëdha shpirtërore.
Këshilli i BIK-ut në Vushtrri u bën thirrje të gjithë besimtarëve të shfrytëzojnë këtë ditë për afrim me Zotin përmes agjërimit dhe lutjeve të sinqerta.