Kanos policët pas një gjobe për parkim – prangoset dhe më pas lirohet një 37-vjeçar

Një qytetar në Suharekë është përballur me masa ligjore pasi ka kanosur dy zyrtarë policorë, të cilët i kishin shqiptuar një gjobë për parkim të parregullt.

Burimet e Gazetës Sinjali bëjnë të ditur se ngjarja ka ndodhur mëngjesin e 5 qershorit 2025, rreth orës 09:20, në lagjen “Fidanishte”, ku Ismet Berisha, 38-vjeçar ka reaguar me agresivitet pas shqiptimit të një tikete nga ana e policisë.

Fillimisht, ai refuzoi ta largojë veturën e tij nga vendi ku ishte e parkuar gabimisht, e më pas u ka drejtuar fjalë kërcënuese zyrtarëve policorë, të cilët po vepronin në kuadër të detyrës së tyre zyrtare.

Personat e prekur nga ky incident janë dy pjesëtarë të Policisë së Kosovës.

Pas incidentit, i dyshuari është prangosur dhe shoqëruar në Stacionin Policor në Suharekë, ku është njoftuar edhe njësia e hetimeve rajonale. Të njëjtit kanë zhvilluar intervistimin në prani të avokatit mbrojtës.

Në konsultim me Prokurorin Kujdestar, rasti është iniciuar si “Kanosje ndaj personit zyrtar”, ndërsa i dyshuari është liruar në procedurë të rregullt pas përfundimit të intervistimit.

Hetimet për këtë rast janë duke vazhduar.