Sonte finalja e Ligës së Kombeve

Në Allianz Arena – në Gjermani, Spanja përballet me Portugalinë në finalen e Ligës së Kombeve.

Spanjollët arritën në finale pas fitores 5-4 ndaj Francës në gjysmëfinale, ku dy gola shënoi 17 vjeçari i Barçës, Lamine Yamal.

Ndërsa nga ana tjetër, Portugalia në gjysmëfinale mposhti Gjermaninë me rezultat 2-1, me një gol të Ronaldos i cili në media u diskutua shumë pas ndeshjes, për shkak të pozitës jashtë loje.

Kjo ndeshje është e veçantë, pasi Lamine Yamal është 17 vjeçar, ndërsa Ronaldo 40 vjeçar. Pra, dallimi i moshës mes dy lojtarëve është 23 vjet.

Kjo është ndeshja e parë që Lamine Yamal dhe Cristiano Ronaldo përballen me njëri tjetrin.

Finalja fillon në ora 21:00 dhe transmetohet në kanalet Sport të platformës ArtMotion.