Deputetja kritikon bllokimin e Kuvendit

Deputetja e Lëvizjes Vetëvendosje, Fjolla Ujkani, ka reaguar ndaj bllokimit të punës së Kuvendit, duke e quajtur këtë sjellje as opozitare e as politike, por thjesht bllokuese.

“Demokracia nuk mbahet me karrige të zëna por me qëndrime të qarta dhe përgjegjësi. E drejta për të qenë kundër nuk përkthehet në të drejtë për të bllokuar gjithçka,” shkroi ajo.

Ujkani kritikoi edhe thirrjet e përsëritura për “unitet”, duke i cilësuar si zëvendësim për mungesën e vullnetit për bashkëpunim.

“Të bëhesh pengesë për 29 herë me radhë, e më pas të shpallësh veten shpëtimtar kombëtar, është si të rrish jashtë loje e pastaj të kërkosh të bëhesh kapiten,” përfundoi ajo.