Gruaja dyshohet se u hodh nga ballkoni – vdes në vend

Një ngjarje e rëndë ka tronditur mëngjesin e sotëm fshatin Gurrakoc të Istogut, ku një grua ka humbur jetën në rrethana tragjike.

Sinjali mëson se viktima është Hanemsha Kabashi, 62-vjeçare, e cila dyshohet se është hedhur nga ballkoni i shtëpisë së saj. Sipas burimeve të gazetës, rasti është raportuar rreth orës 10:00, kur trupi i pajetë i saj është gjetur në oborr.

Menjëherë pas marrjes së informatës, njësitet policore, njësiti i hetimeve dhe mjeku kujdestar kanë dalë në vendin e ngjarjes. Mjeku ka konstatuar vdekjen e viktimës në vend.

Me urdhër të Prokurorit Kujdestar, trupi i pajetë është dërguar në Institutin e Mjekësisë Ligjore për obduksion, ndërkohë që rasti është cilësuar si “Hetim i vdekjes” dhe është hapur hetim nga njësia rajonale në Pejë.

Rrethanat që çuan deri te kjo ngjarje tragjike mbeten ende të paqarta.

PodujevaSot do të ju mbajë të informuar me detaje të reja.