Policia Kufitare në Vlorë shpëton tetë persona të bllokuar në det

Policia Kufitare në Vlorë ka intervenuar me sukses për të shpëtuar tetë persona që kishin mbetur në det të hapur për shkak të defekteve në mjete lundruese, shkruan Gazeta Sinjali.

Në një rast në zonën e Shën Janit, një gomone me katër persona pësuan defekt rreth një milje larg bregut, dhe policia iu erdhi menjëherë në ndihmë duke i shoqëruar në breg, ku ndodheshin në gjendje të mirë shëndetësore.

Në një rast tjetër, katër persona që po lundronin me kanoe pranë plazhit të Porto Palermos në Dhërmi u bllokuan në det dhe kërkuan ndihmë. Policia Kufitare e Dhërmit ndërhyri shpejt dhe i shoqëroi në breg, edhe ata në gjendje të mirë shëndetësore.

Autoritetet policore kanë falënderuar për bashkëpunimin dhe kanë bërë thirrje për kujdes maksimal gjatë lundrimeve në det.