Gjendet pa shenja jete një grua në Qendrën e Shëndetit Mendor

Një ngjarje e rëndë ka ndodhur orët e para të mëngjesit të sotëm në Shtëpinë Integruese në Bashkësi në Ferizaj, ku një grua është gjetur pa shenja jete, raporton Gazeta Sinjali.

Burimet e Gazetës Sinjali kanë bërë të ditur se njësitë kompetente kanë dalë në vendin e ngjarjes, ku pas ekzaminimit për shenjat vitale, mjeku kujdestar ka konstatuar se 60-vjeçarja ka ndërruar jetë.

E ndjera ishte banore e përhershëm në këtë Qendër të Shëndetit Mendor dhe merrte trajtimin e nevojshëm.

Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për autopsi.