Ndërron jetë mësuesja, Sadije Jashari

Ka ndërruar jetë Sadije Jashari – Morina.

Lajmi është publikuar nga SHFMU “Naim Frashëri” – Gllobar, Drenas.

Më poshtë postimi:

Një tjetër lajm i trishtë!

Me pikëllim të thellë e me dhimbje të madhe, kuptuam lajmin e ndarjes nga kjo jetë të mësimdhënëses, Sadije Jashari – Morina!

E lindur me: 21.5.1970 në Lipjan, shkollën fillore dhe të mesme e mbaroi në qytetin e lindjes! Studimet i filloi dhe mbaroi në UP.

Punën në arsim e filloi në ShFMU “Migjeni” në Rufc të Ri, komuna e Lipjanit, në kohë kur mësimdhënësit përndiqeshin nga okupatori serb!
Punën edukativo-arsimore e vazhdon me 1996 në ShFMU “Naim Frashëri “ në Gllobar, deri para pak vitesh, kur u sëmurë!

Mësuesja Sadije punoi me përkushtim, ishte e afërt me kolegët, nxënësit dhe prindërit! Edukoi e arsimoi shumë breza!
Vdekja e saj, është një humbje, jo vetëm për familjen, por edhe për neve si shkollë e komplet rrethinën tonë!

Ngushëllime të sinqerta familjes, shoqërisë dhe të gjithë atyre që jetuan e punuan me mësuesen tonë të dashur e të paharruar, Sadije Jashari – Morina!