Lëndohet në Durrës një 21-vjeçar, humbi kontrollin me Jet Ski

Një turist 21-vjeçar belg është paraqitur mbrëmjen e sotme për ndihmë mjekësore në spitalin e Durrësit.

Policia pas hetimeve ka bërë të ditur se në zonën e Shkëmbit të Kavajës, pranë bregdetit, dyshohet se ai gjatë manovrave ka humbur kontrollin mbi një Jet Ski dhe ka rënë në ujë.

21-vjeçari ka pësuar dëmtime të rënda dhe nga Spitali Rajonal i Durrësit është transportuar menjëherë drejt Spitalit të Traumës në Tiranë, ku ndodhet në gjendje të rëndë shëndetësore./abcnews.al