Shpërndahen 15 duplikatorë për fermerët përfitues

Komuna e Podujevës, përmes Drejtorisë për Bujqësi, Pylltari dhe Zhvillim Rural, ka bërë shpërndarjen e 15 duplikatorëve për fermerët përfitues.

Në ceremoninë e shpërndarjes morën pjesë Kryetari i Komunës, Shpejtim Bulliqi, dhe drejtoresha e Bujqësisë, Lirie Hoti, të cilët shprehën përkushtimin e komunës për të ndihmuar fermerët në rritjen e kapaciteteve të tyre prodhuese.

Kryetari Bulliqi i përgëzoi fermerët përfitues dhe theksoi se Komuna e Podujevës do të vazhdojë të qëndrojë pranë tyre përmes projekteve të ndryshme, duke u ofruar mbështetje bujqve me qëllim të fuqizimit të sektorit të bujqësisë.