Aktivitete të ndryshme në Kërpimeh për Ditën e Shkollës

Për Ditën e Çlirimit dhe Ditën e Shkollës, në SHFMU “Hamit Sejdiu” – Kërpimeh, u mbajtën disa aktivitete.

Më poshtë postimi i shkollës:

Me rastin e festës së 17 Qershorit – Ditës së Çlirimit të fshatit Kërpimeh me rrethinë, si dhe Ditës së Shkollës, në ambientet e shkollës sonë u organizuan një sërë aktivitetesh edukative e kulturore, për të nderuar këtë ditë të rëndësishme për historinë dhe identitetin tonë lokal.

Aktivitetet nisën me një ligjëratë për historikun e festës, e përgatitur me përkushtim nga nxënësja e klasës së katërt Xheneta Mustafa, e cila solli në vëmendje sakrificën dhe qëndresën e brezave që luftuan për liri.
Më pas u mbajtën gara në pikturë, të organizuara nga arsimtari i lëndës së artit figurativ, Bedri Kadriu.

Në këto gara fitues dolën nxënësit:
•Denisa Berisha -vendi i parë (I)
•Firdeus Xhemaili-vendi o dytë (II)
•Amelja Januzi -vendi i tretë (III)

Gjithashtu nxënëset e klasës VIII/2, Enkela Alushi dhe Elona Sadriu bashkë me arsimtaren Fatmire Aliu, në kuadër të lëndës gjuhë amtare përgatitën një prezantim kushtuar pikërisht kësaj feste.

Dita u përmbyll me një marshim simbolik të nxënësve, nga shkolla deri në qendrën e fshatit, si shenjë nderimi për këtë datë me peshë historike dhe për t’i dhënë jehonë festës në mbarë komunitetin.

Urime të gjithë banorëve të komunitetit kjo ditë që na kujton të kaluarën tonë krenare dhe na frymëzon për një të ardhme më të mirë!