Podujeva po bëhet me Park Bujqësor
Kryetari i Podujevës, Shpejtim Bulliqi, ka njoftuar që Podujeva po bëhet me Park Bujqësor.
Në këtë park do të ndërtohen serra për prodhimin e produkteve bujqësore, ku përfshihen edhe sistemi i ujitjes, depo për vendosjen e produkteve, kyqja në energjinë elektrike dhe infrastruktura tjetër e nevojshme.
Ky park do të ndërtohet në Sfeçël të Podujevës.
Më poshtë postimi i Bulliqit:
Parku i parë Bujqësor në vend
Një prej projekteve më inovative në sektorin e bujqësisë në vendin tonë, së shpejti do të fillojë së zbatuari në Komunën e Podujevës.
Para pak ditësh ka përfunduar hartimi i projektit për Parkun e ri Bujqësor, i cili do të ndërtohet në fshatin Sfeçël, në një hapësirë prej rreth 6 hektarësh.
Në këtë park do të ndërtohen serra për prodhimin e produkteve bujqësore, ku përfshihen edhe sistemi i ujitjes, depo për vendosjen e produkteve, kyqja në energjinë elektrike dhe infrastruktura tjetër e nevojshme.
Vlera për realizimin e këtij projekti parashihet rreth 2 milionë euro.
