Gruaja goditet nga vetura në Prishtinë
Një aksident trafiku ka ndodhur sot në rrugën “Bill Klinton” në Prishtinë, ku një veturë ka goditur një këmbësore.
Si pasojë e aksidentit, viktima ka pësuar lëndime trupore dhe është dërguar menjëherë për trajtim mjekësor.
Rastin e ka konfirmuar për Sinjalin zëdhënësja e Policisë për rajonin e Prishtinës, Flora Ahmeti.
“Sot rreth orës 11:20 në rrugën ‘Bill Klinton’ në Prishtinë, ka ndodhur një aksident trafiku ku është përfshirë një automjet dhe një këmbësore. Si pasojë e aksidentit është lënduar këmbësorja e cila menjëherë është dërguar për tretman mjekësor. Me rastin po merret njësiti i trafikut të kryeqytetit,” deklaroi Ahmeti.
