Shpërndahen certifikatat për gratë pjesëmarrëse në trajnimet e agrobiznesit

Në kuadër të programit “Avancimi i Përfshirjes së Grave të Kosovës në Agrobiznes”, sot u bë shpërndarja e certifikatave për 42 gratë llapjane që përfunduan me sukses trajnimet pesëditore, organizuar nga organizata “CARE” në bashkëpunim me Komunën e Podujevës.

Postimi i Komunës së Podujevës:

U shpërndanë certifikatat për gratë pjesëmarrëse në trajnimet e agrobiznesit

Në kuadër të programit “Avancimi i Përfshirjes së Grave të Kosovës në Agrobiznes”, sot u bë shpërndarja e certifikatave për 42 gratë llapjane që përfunduan me sukses trajnimet pesëditore, organizuar nga organizata “CARE” në bashkëpunim me Komunën e Podujevës.
Certifikatat u shpërndanë nga drejtoresha e Bujqësisë, Pylltarisë dhe Zhvillimit Rural, Lirie Hoti dhe përfaqësuesi i organizatës “CARE”, Egzon Gërxhaliu.

Me këtë rast, drejtoresha Hoti përgëzoi gratë për përkushtimin dhe punën e tyre gjatë trajnimeve, duke i inkurajuar që të vazhdojnë të angazhohen në zhvillimin e aktiviteteve të tyre bujqësore. Ajo theksoi se Komuna do të jetë gjithmonë pranë tyre për t’i mbështetur përmes projekteve të ndryshme.

Programi synon të fuqizojë gratë në sektorin e bujqësisë, përmes pajisjes me njohuri dhe pajisje moderne prodhuese, duke kontribuar në zhvillimin socio-ekonomik të zonave rurale.