14-vjeçarja viktimë e dhunimit

Një rast i rëndë është raportuar në Policinë e Kosovës më 13 qershor 2025, që përfshin një vajzë të mitur 14-vjeçare nga fshati Pasjak i Novobërdës, e cila dyshohet se është keqpërdorur seksualisht nga një bashkëmoshatar i saj.

Burime të Sinjalit bëjnë me dije se rasti ka ndodhur rreth një muaj më parë, ndërsa është zbuluar pasi është shpërndarë një video-incizim i aktit seksual oral, i kryer nga i dyshuari E.M. 15-vjeçar me viktimën A.R. 14-vjeçare.

Sipas informatave, videoja është qarkulluar në rrethin e të dyshuarit, gjë që ka alarmuar edhe autoritetet.

Policia ka identifikuar të miturin dhe e ka intervistuar në prezencë të mbrojtësit ligjor, të zyrtarëve të Qendrës për Punë Sociale dhe përfaqësuesve të Mbrojtjes së Viktimave.

Gjatë intervistës, i mituri ka pranuar se ka kryer veprën penale, si dhe se ka shpërndarë videon.

Me urdhër të Prokurores së Shtetit, është lëshuar aktvendim për ndalim 24 orë, ndërkohë që rasti është iniciuar për veprat penale: Dhunim, dhe Keqpërdorim i fëmijëve në pornografi.

Dosja, së bashku me provat përfshirë edhe video-incizimin, është dorëzuar në Prokurori. Hetimet janë duke vazhduar nën mbikëqyrjen e organit kompetent.