Erdogan: Netanyahu e ka lënë pas Hitlerin prej kohësh për sa i përket gjenocidit

Presidenti i Turqisë, Recep Tayyip Erdogan, deklaroi të mërkurën se Irani po vepron në vetëmbrojtje përballë sulmeve “të paligjshme dhe të çmendura” të Izraelit, duke e cilësuar këtë veprim si “të natyrshëm, ligjor dhe legjitim”, shkruan Gazeta Sinjali.

Në një fjalim para deputetëve të Partisë së tij në pushtet, AK, në parlamentin turk, Erdogan akuzoi kryeministrin izraelit Benjamin Netanyahu për kryerjen e krimeve të gjenocidit në Gaza, duke thënë se “Netanyahu e ka lënë pas Hitlerin prej kohësh për sa i përket gjenocidit”.

Ai gjithashtu kritikoi sulmin e Izraelit ndaj Iranit, duke thënë se është kryer pa pritur përfundimin e bisedimeve bërthamore midis SHBA-së dhe Teheranit.

Erdogan theksoi se Ankaraja dëshiron zgjidhje përmes diplomacisë dhe është e gatshme të kontribuojë në procesin paqësor.