Arrestohet një person në Bardhosh – Ofendoi policët për gjobë
Një qytetar është arrestuar mbrëmjen e së enjtes në Bardhosh të Prishtinës, pasi kanosi dhe ofendoi zyrtarët policorë në momentin kur po i shqiptohej një tiketë për vozitje pa patentë shofer.
Sapo kishte pranuar gjobën dhe po largohej nga vendi i ndaljes, ai ka filluar të ofendojë dhe kërcënojë zyrtarët policorë, duke përdorur gjuhë fyese në prani të tyre.
Policia e ka arrestuar dhe shoqëruar menjëherë në stacion, ku është intervistuar në prani të avokatit mbrojtës.
Prokurori Kujdestar ka urdhëruar arrestimin e tij dhe ndalimin për 48 orë, si dhe inicimin e rastit penal për veprën “Kanosje” ndaj personave zyrtarë.
