Shpërthen një granatë dore në një pishinë

Mbrëmë ka ndodhur një shpërthim i një granate dore në një pishinë në qytetin e Gjakovës.

Rasti për Gazetën Sinjali e ka konfirmuar Policia e Kosovës, rajoni i Gjakovës.

Duke bërë me dije se nga ky shpërthim, nuk ka persona të lënduar përveçse dëme materiale.

“Sot më datë 20.06.2025 është raportuar për një shpërthim të ndodhur në një pishinë në qytetin e Gjakovës, ku punon ankuesi – shtetas mashkull kosovar. Sipas informacioneve të para, ngjarja dyshohet të ketë ndodhur mbrëmjen e kaluar, më 19.06.2025, rreth orës 22:45. Nga ky shpërthim janë shkaktuar vetëm dëme materiale, ndërsa nuk raportohet për persona të lënduar“.

Tutje, në përgjigjen e tyrë bëhet me dije se në koordinim me prokurorin kujdestar, është iniciuar rasti me dyshimin për veprën penale “Shkaktim i rrezikut të përgjithshëm”.

“Hetimet lidhur me rastin janë në vazhdim“, thuhet në përgjigjën e tyre.