Policia gjeti drogë dhe thika te tifozët në ndeshjen Prishtina – Drita

Mbrëmjen e kaluar në stadiumin e kryeqytetit ‘Fadil Vokrri’ është zhvilluar ndeshja futbollistike mes Prishtinës dhe Dritën. Tifozë të shumë të ekipeve konkurruese janë parë në tribunat e stadiumit, gjë e cila ka bërë që Policia e Kosovës të kenë mobilizim të madh për të ndërhyrë në rast incidentesh mes tifozëve, raporton Gazeta Sinjali.

E gjatë kontrollit të tifozëve, dy persona kanë përfunduar në prangat e Policisë, pasi që në xhepat e tyre u gjetën gjëra të kundërligjshme.

Burimet e Gazetës Sinjali brenda Prokurorisë kanë bërë me dije se një 34-vjeçar është arrestuar pasi tek i njëjti është gjetur dhe konfiskuar sasi e substancës së dyshuar narkotike e llojit marihuanë.

Ai është intervistuar në stacion të Policisë nga hetuesit policorë dhe me urdhër të prokurorit ndaj tij është iniciuar rasti ‘Posedim i paautorizuar i narkotikëve’,

Në stacion policor ka përfunduar edhe një 26-vjeçar, tek i cili gjatë kontrollit është gjetur një mjet i mprehtë, thikë.

Pas përfundimit të procedurave policore, Prokurori i Shtetit ka urdhëruar që ndaj tij të nisin hetimet nën dyshimet për kryerjen e veprës penale ‘Mbajtja në pronësi, kontroll ose posedim të paautorizuar të armës’.