Bulliqi: Përfundon kyçja e gypit FI 400

Kryetari i Podujevës, Shpejtim Bulliqi, ka thënë që ka përfunduar kyçja e gypit FI 400, që lidh sistemin kryesor të ujësjellësit me rezervuarin kryesor të qytetit.

Më poshtë postimi i Bulliqit:

Mbrëmë ka përfunduar kyçja e gypit furnizues me diametër FI 400, i cili lidh sistemin kryesor të ujësjellësit me rezervuarin kryesor të qytetit. Ky investim do të bëjë përmirësimin e furnizimit me ujë të pijshëm, jo vetëm për zonat qendrore, por edhe për lagjet periferike.

Kjo do të ndikojë në rritjen e qëndrueshmërisë së sistemit dhe në vazhdimësinë e furnizimit me ujë për qytetarët tanë.