Drejtoria ka filluar projektin për rregullimin e hapësirës publike në fshatin Kërpimeh

Në kuadër të fushës së turizmit, Drejtoria e Planifikimit dhe Zhvillimit Ekonomik ka filluar projektin për rregullimin e hapësirës publike në fshatin Kërpimeh.

Hapësira, e cila më parë ishte e zënë me objekte të vjetra e të rrezikshme për kalimtarët po largohen dhe kjo hapësirë po kthehet në park në shërbim të banorëve dhe vizitorëve të zonës.

Projekti parasheh mbjelljen e drunjve dekorativë, pishave, vendosjen e ulëseve për pushim si dhe shportave për mbeturina, duke e bërë këtë hapësirë më funksionale për komunitetin.

Punimet për pastrimin dhe largimin e objekteve i ka përcjellë nga afër drejtori i Drejtorisë së Planifikimit dhe Zhvillimit Ekonomik, Vigan Salihu.