12 vjeçarja sulmohet seksualisht

Një rast i rëndë i sulmit seksual ndaj të miturës është denoncuar më 23 qershor në qytetin e Vitisë, ku një vajzë 12-vjeçare ka deklaruar se bashkë me një shoqe të saj, po ashtu të moshës 12 vjeçare, janë marrë me veturë nga dy persona të rinj, përkatësisht A. E.,23-vjeçar dhe L. E. 15-vjeçar.

Burimet e Gazetës Sinjalibëjnë të ditur se viktimat janë takuar me të dyshuarit në rrugë dhe më pas janë hipur me forcë në veturë. Pas një periudhe kohe, ato janë lënë të lira, ndërsa nëna e njërës prej vajzave i ka hasur në një park të qytetit dhe i ka dërguar menjëherë në polici.

Rasti ka alarmuar Policinë e Kosovës dhe Qendrën për Punë Sociale, ku janë kryer intervistat fillestare me viktimën dhe dëshmitarët. Me ndihmën e hetuesve, është arritur identifikimi i të dyshuarve dhe është vënë në dijeni Prokuroria e Gjilanit.

Prokurori kujdestar ka lëshuar urdhër për ndalimin e A. E për 48 orë, ndërsa L. E, për shkak të moshës, është intervistuar në prani të mbrojtësit dhe është liruar në procedurë të rregullt.

Hetimet për këtë rast vazhdojnë dhe priten veprime të mëtejme ligjore ndaj personave të përfshirë.