Kanë filluar punimet për ndërtimin e rrjetit të ujësjellësit në fshatin Herticë
Postimi i Komunës së Podujevës:
Kanë filluar punimet për ndërtimin e rrjetit të ujësjellësit në fshatin Herticë
Kanë nisur punimet për ndërtimin e rrjetit të ujësjellësit në fshatin Herticë, projekt i shumëpritur nga banorët e kësaj zone, i cili do të zgjidhë një problem jetik dhe afatgjatë për furnizimin me ujë të pijshëm.
Ky projekt po financohet nga Ministria e Ekonomisë dhe kompania KRU Prishtina, me një vlerë prej 239,394.93 euro, ndërsa kohezgjatja e punimeve është paraparë të zgjasë 180 ditë.
Punimet në terren u vizituan nga kryetari i Komunës, Shpejtim Bulliqi, së bashku me drejtorin e Shërbimeve Publike, Bahri Selimi, drejtorin e Urbanizmit, Liridon Gashi dhe menaxherin e kontratës Fevzi Jetullahu, të cilët panë nga afër ecurinë e punimeve dhe diskutuan me kompaninë realizuese për dinamikën e projektit.
