Miratohet Korniza Afatmesme Buxhetore 2026-2028

Postimi i Komunës së Podujevës:

Miratohet Korniza Afatmesme Buxhetore 2026-2028

Korniza Afatmesme Buxhetore 2026-2028 është miratuar të enjten në mbledhjen e rregullt të Kuvendit Komunal, të cilën e udhëhoqi Kryesuesi, Hilmi Hoxha.

Në fillim të kësaj mbledhjeje, në të cilën prezent ishin edhe Kryetari i Komunës, Shpejtim Bulliqi, Nënkryetarja Marigona Lahu, Drejtori për Buxhet dhe Financa, Fatlum Osmani, propozoi përfshirjen e një pike shtesë në rendin e ditës: Vendim për shpalljen në interes të përgjithshëm publik të tri pronave shoqërore të ish-kooperativave bujqësore që gjenden në zonat kadastrale, dy në fshatin Metehi dhe një në Shtedim. Propozimi u votua nga të gjithë anëtarët e Kuvendit Komunal.

Gjatë mbledhjes, u diskutuan dhe u miratuan këto pika të rendit të ditës:

1. Korniza Afatmesme Buxhetore (KAB) e Komunës së Podujevës për vitet 2026–2028, ku pas prezantimit nga drejtori Osmani dhe diskutimeve të anëtarëve të Kuvendit, Kryetari Bulliqi theksoi rëndësinë e këtij dokumenti planifikues. Ai përmendi disa nga projektet që parashihen të realizohen në këtë periudhë dhe ftoi anëtarët që të japin propozime konkrete për përfshirje në buxhet për vitin e ardhshëm.

2. Vendim për shpalljen në interes të përgjithshëm publik të tri pronave shoqërore në Metehi dhe Shtedim

3. Propozim-vendim për shtim të buxhetit dhe kod të ri, i cili u diskutua dhe u miratua nga Kuvendi.

4. Informata për aktivitetet e Këshillit Komunal për Siguri në Bashkësi (KKSB) për vitin 2024, ku u prezantuan veprimtaritë dhe bashkëpunimi ndërinstitucional në fushën e sigurisë publike.

5. Rishqyrtimi i vendimit të Kuvendit për ndryshim dhe plotësim të përbërjes së Komitetit për Politikë dhe Financa, sipas kërkesës së MAPL-së, ku nga Lëvizja Vetëvendosje u propozua Lirika Maliqi dhe me përkrahje të anëtarëve u zgjodh anëtare e re e KPF-së.

6. Raporti i Zyrës Kombëtare të Auditimit për pasqyrat financiare vjetore të Komunës së Podujevës për vitin 2024, si dhe Plani i veprimit për zbatimin e rekomandimeve të dhëna nga Auditori. Për këtë pikë u zhvilluan diskutime nga anëtarët e Kuvendit, ndërsa drejtorët komunalë iu përgjigjen rreth temave të ngritura.

Në këtë mbledhje prezent ishin edhe përfaqësues të KFOR-it dhe të mediave.