Ish-bashkëshortja i shkon në banesë dhe ia godet derën me shkelma

Një ngjarje e pazakontë është raportuar në orët e para të mëngjesit në rrugën “11 Marsi” në Fushë Kosovë, ku një burrë ka kërkuar ndihmën e Policisë pas veprimeve shqetësuese të ish-bashkëshortes së tij.

Burimet e Sinjalit bëjnë me dije se më 27 qershor 2025, rreth orës 00:20, S.G., 41 vjeçar ka raportuar në polici se ish-bashkëshortja e tij, M.K. 31 vjeçare, kishte shkuar tek dera e banesës së tij dhe kishte goditur atë disa herë me shkelma, duke shkaktuar shqetësim dhe frikë për sigurinë e tij.

Sipas deklaratës së tij, konflikti ka ardhur si pasojë e xhelozisë, pasi ai tashmë jeton me një grua tjetër. Të dy janë shoqëruar në stacionin policor dhe janë intervistuar nga hetuesit kujdestarë.

Lidhur me rastin është njoftuar prokurorja kujdestare për dhunë në familje, e cila ka udhëzuar që rasti të iniciohet si “Dhuna në familje”, ndërsa e dyshuara është liruar në procedurë të rregullt.

Rasti është nën hetime.