Ekskluzive: Përleshje me armë mes motoristit dhe një BMW-je në Prishtinë: “Na shpëtoi Zoti”
Një shkëmbim zjarri mes dy mjeteve në lëvizje ka ndodhur pasditen e sotme pranë shkollës fillore “Iliria” në Prishtinë, duke shkaktuar panik dhe frikë te kalimtarët e shumtë që ndodheshin në zonë.
Burime nga vendngjarja thonë për Gazetën Sinjali se dy mjete, një motor ngjyrë e gjelbër dhe një veturë BMW ngjyrë hiri, janë përfshirë në një përleshje të armatosur, duke shkëmbyer të shtëna me armë zjarri mes vete në mes të rrugës, përpara se të dy mjetet të largoheshin me shpejtësi nga vendi i ngjarjes.
Dëshmitarë okularë, të cilët ndodheshin në afërsi, kanë deklaruar se për pak nuk janë goditur nga plumbat. “Na shpëtoi Zoti, dy hapa më afër dhe do të ishim goditur. Plumbat kalonin afër veturave dhe kalimtarëve. Ishim me fëmijë”, kanë rrëfyer ata për Sinjalin.
Pjesë e kësaj skene të rrezikshme ishte edhe një grua shtatzënë, e cila ndodhej në një veturë tjetër së bashku me bashkëshortin e saj dhe nuk kishte lidhje me incidentin.
Ajo ka përjetuar shqetësim të momentit për shkak të afërsisë me të shtënat, por gjendja e saj është stabile dhe nuk ka pasur nevojë për trajtim mjekësor, i thanë Sinjalit nga vendi i ngjarjes.
Për rastin, Policia e Kosovës e ka konfirmuar për Sinjalin.
