Kanos me thikë dhe sëpatë fqiun pas një fjalosje për parkim

Një përplasje banale për parkim ka përfunduar me kërcënime serioze me armë të ftohta në Hajvali të Prishtinës.

Sipas burimeve të Sinjalit, më 27 qershor 2025, rreth orës 21:20, në rrugën “Besnik Jasiqi”, ka ndodhur një rast kanosjeje, ku viktima, R.K., ka raportuar në polici se është kërcënuar me thikë dhe sëpatë nga fqiu i tij M. K, pas një fjalosjeje të nisur për shkak të parkimit të veturës.

Fatmirësisht, nuk ka pasur të lënduar në këtë incident, por mjetet e rrezikshme janë sekuestruar nga policia.

Pas veprimeve hetimore, Prokurori kujdestar ka urdhëruar ndalimin e të dyshuarit për 48 orë, ndërsa rasti është proceduar për veprën penale “Kanosje”.