Pushuesve në Shqipëri po u rrezikohet jeta nga numri i skafeve

Pushuesit pranë Gjirit të Akuariumit në Jalë kanë shprehur një shqetësim të madh për sigurinë e tyre për shkak të numrit të lartë të gomoneve dhe skafeve që qarkullojnë pa masa të rrepta kontrolli.

Ata thonë se këto mjete lundruese qarkullojnë shumë pranë bregut té detit dhe mbi kokat e pushuesve.

Sipas tyre kjo situatë krijon rrezik serioz për njerëzit që lahen në det dhe kalojnë kohë në këtë zonë turistike.

Ata kërkojnë ndërhyrjen urgjente të institucioneve përgjegjëse për sigurinë detare dhe rendin publik, në mënyrë që të mbrohet jeta dhe mirëqenia e pushuesve.