Arrestohet 38-vjeçari kosovar në Ulqin

Një 38-vjeçar nga Kosova, me inicialet L.H., është arrestuar në Ulqin pasi dyshohet se shkaktoi një zjarr të madh në një ndërtesë, duke hedhur një cigare para se të hynte brenda.

Sipas Drejtorisë së Policisë, zjarri shpërtheu në një qendër shitjesh dhe u konstatua si shkak i veprimit njerëzor pas hetimeve në vendngjarje me praninë e ekspertëve mjeko-ligjorë për zjarrëfikjen.

Policia njoftoi se dëmi material i shkaktuar në objektin afarist arrin në rreth dy milionë euro, ndërsa janë dëmtuar edhe një shtëpi familjare me vlerë prej rreth 20,000 eurosh dhe një automjet special – pompë betoni me rreth 200,000 euro dëme.

Për shkak të temperaturave të larta dhe periudhës së thatë në rajon, autoritetet apelojnë te qytetarët për kujdes maksimal dhe përgjegjësi në parandalimin e zjarreve në hapësira të hapura.