Inzaghi tregon nëse Asllani starton nesër ndaj Romës

Në prag të sfidës së rëndësishme ndaj Romës, nesër në orën 18:00, në stadiumin “Giuseppe Meazza”, e vlefshme për javën e 8-të në Serinë A, në konferencën për shtyp është shfaqur trajneri i Interit, Simone Inzagi.

Trajneri ka deklaruar se mesfushori i Kombëtares shqiptare, Kristjan Asllani do të ketë shansin për të luajtur titullar ndaj verdhekuqve të Jose Mourinhos.

“Asllani nesër do të luajë titullar. Kam pak vështirësi. Përveç Brozoviç, tani probleme ka shfaqur edhe Galiardini dhe nuk është stërvitur në dy ditët e fundit. Lukaku ndodhet jashtë fushave prej 1 muaji dhe do të duhet disa kohë që të jetë në gjendje optimale. Do të jetë një ndeshje me shumë impenjim ajo ndaj Romës, e përbërë nga duele. Do të përballemi me një ekip të fortë që është rritur, me një trajner të madh si Mourinho” ka thënë Inzaghi.