Kanosi motrat dhe familjarët nën ndikimin e drogës

Një tjetër rast shqetësues i dhunës familjare është regjistruar në Prishtinë, ku një burrë nën ndikimin e narkotikëve ka terrorizuar të afërmit e tij.

Burime të Gazetës Sinjali bëjnë me dije se R. M, 37 vjeçar është shoqëruar nga Policia sot rreth orës 18:00 në Stacionin Policor, pasi ka kanosur në vazhdimësi dy motrat e tij dhe pjesëtarë të tjerë të familjes që punojnë në një hotel në lagjen “Ali Kelmendi”.

Sipas burimeve, i dyshuari ka qenë nën ndikimin e substancave narkotike dhe bënte veprime të pakontrolluara, duke përhapur frikë në familje.

Me urdhër të Prokurorit Kujdestar, R.M është ndaluar për 48 orë, ndërsa rasti është cilësuar si “Kanosje” dhe është dërguar për trajtim të mëtejshëm nga njësitë kompetente.

Familjarët e tij kanë kërkuar mbrojtje institucionale duke e konsideruar të rrezikshëm dhe të paparashikueshëm.