Ekskluzive: Ky është i burgosuri që u kap me marihuanë
Gazeta Sinjali pak më parë raportoi për një rast të posedimit të paautorizuar të narkotikëve që është zbuluar brenda Qendrës Korrektuese në Dubravë, ku një i burgosur dyshohet se ka fshehur marihuanë në trup.
Lidhur me këtë, Sinjali ka zbuluar ekskluzivisht emrin e të dyshuarit, Fatmir Idrizi, rreth 29 vjeçar, i cili u identifikua si i dyshuar për posedim të marihuanës, pasi autoritetet korrektuese kishin pranuar një informatë operative për substancë të dyshuar në posedim të tij.
Gjatë kontrollit fizik, tek Idrizi është gjetur një bllok i numrave të telefonit, brenda të cilit ishin fshehur dy paketime me marihuanë, të mbështjella me qese plastike. Pas peshimit, sasia ka rezultuar 15 gram bruto.
Njësia për Hetimin e Trafikimit me Narkotikë në Pejë ka pranuar rastin dhe provat materiale, ndërsa me urdhër të Prokurorit kujdestar është iniciuar procedura penale për veprën “Posedim i paautorizuar i narkotikëve, substancave psikotrope ose analoge”.
Hetimet janë në vijim.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
